Ministri e Arsimit, Isabel Celaa dhe Ministri i Shëndetësisë, Salvador Illa u takuan me autoritetet rajonale për të diskutuar nisjen e vitit shkollor, që deri më tani ka sjellë karantinimin e 2.852 grupeve për shkak të virusit.
Kërkesa për ndihmë ushtarake e bërë nga autoritetet në Madrid për qeverinë spanjolle ka marrë përgjigje. Ushtria dhe policia do të fillojnë të vendosen në kryeqytet të hënën.
Rajoni i Madridit kërkoi ndërhyrje urgjente të forcave të armatosura, si dhe të policisë dhe Gardës Civile për të luftuar ekspansionin e coronavirusit.
Ministri i Shëndetësisë siguroi se protokollet e miratuara po funksionojnë, por vëmendja nuk duhet ulur.
“Është provuar se qendrat e arsimit nuk janë vende infektimi. Janë konstatuar raste, por kjo ka ardhur si pasojë e zonës ku ndodhet shkolla”,- citoi Salvador Illa.
“Do të doja të vija në dukje se të gjitha qendrat arsimore janë hapur dhe në 95.5% të tyre nuk janë verifikuar incidente të lidhura me COVID-19. Synimi është t’i mbajmë këto qendra të hapura dhe të arrijmë maksimumin e nxënësve në klasa”,- u shpreh ministrja e arsimit Isabel Celaa.
Atyre do t’u duhet të instalojnë tenda, të kryejnë teste, dezinfektime dhe kontroll të kufizimeve.
Duke iu referuar situatës në Madrid, ministri i Shëndetësisë paralajmëroi se “kohë të vështira po afrojnë”, ndaj duhet vepruar me vendosmëri.
Qeveria e Madridit planifikon të njoftojë të premten kufizime të reja në më shumë zona për të parandaluar përhapjen e COVID, edhe pse sërish refuzon bllokadën e plotë.
