Videoja e një gjysheje e cila lëshon nipin e saj në tokë për të shpëtuar gotën me shampanjë është bërë virale në rrjetet sociale.
Sipas mediave të huaja ngjarja ka ndodhur në Shtetet e Bashkuara dhe gruaja duket qartë se u përball me një vendim të vështirë nëse duhet të shpëtonte nipin e saj apo gotën…dhe ajo zgjodhi këtë të fundit.
Videoja fillimisht u postua në rrjetin social ‘Imgur’ dhe krahas saj ishte shkruar: “Dhe çmimi gjyshja e vitit shkon për…”
Në video shihet një gjyshe e cila duke u kujdesur për nipin e saj sheh se vogëlushi ka kapur gotën dhe menjëherë ajo përpiqet me gjithë forcat për ta rimarrë atë pa u rrëzuar asnjë pikë nga shampanja. Ndërsa gjysma e pijes derdhet, ajo heq impulsivisht dorën që mbështet fëmijën në një përpjekje për shpëtuar pijen e mbetur në gotë.
Megjithëse një pjesë e përdoruesve në rrjetet sociale e pa si një situatë qesharake, një pjesë tjetër e kritikuan gjyshen për pakujdesinë e saj./Re.Gu/Fjala.al
