Moto GP, Joan Mir, triumfi që e çon drejt titullit, podiumi, i gjithi spanjoll në Valencia

113 563 lexime

106,048FansaPëlqeje

Podiumi, i gjithi spanjoll në Valencia, “Suzuki”, drejt titullit të 7-të botëror për konstruktorë. Është zhvilluar të dielën në Valencia gara e radhës në Moto GP, Çmimi i Madh i Evropës, dhe i gjithë podiumi ka folur spanjisht.

Joan Mir ka marrë vendin e parë, duke lënë prapa dy bashkëardhetarët e tij spanjollë, Aleks Rinsin dhe Pol Espargaronë.

Ka arritur të gjejë fitoren e tij të parë në nivelin më të lartë të Kampionatit Botëror të Motoçiklizit, në Moto GP, dhe nuk mund të kishte gjetur kohë më të volitshme për ta bërë një gjë të tillë, pasi tanimë është vetëm 14 pikë larg titullit të parë “kampion”.

Mund të thuhet pa frikë se të dielën, Joan Mir ka bërë garën e jetës së tij, duke mbërritur i parë në finishin e Valencias, në garën e radhës në Moto GP, në Çmimin i Madh i Evropës, dhe duke u shkëputur kështu plot 37 pikë në krye të renditjes së përgjithshme të pilotëve, teksa kanë mbetur edhe vetëm dy gara, apo thënë ndryshe, 50 pikë në lojë.

Në fakt, ai ka përfituar më së miri nga një rrëzimi i Fabio Kuartararos, duke u bërë piloti i 9-të që fiton një garë në këto 12 gara të deritanishme të këtij sezoni të këtij Botërori.

Ai ishte çuditërisht i vetmi i 6-shes së parë të këtij sezoni, që nuk kishte fituar ende një garë, por ka arritur më në fund të mbërrijë i pari në finish në Valencia, duke ruajtur gjakftohtësinë dhe duke ngadhënjyer në duelin me shokun e tij të skuadrës së “Suzuki”-t, Aleks Rins, i cili ndan vendin e dytë dhe të tretë me francezin e skuadrës kliente të “Jamaha”-s, “Petronas”-it, Fabio Kuartaro, i cili arriti sidoqoftë ta linte pas atë rrëzim në kthesën e 8-të të xhiros së nisjes, dhe të ngushëllohej me dy pikë të marra falë vendit të 14-të.

Lexo edhe :  Serbi, mbërrijnë 1 milion doza të vaksinës kineze

Do të ishte një gabim i Aleks Rinsit në xhiron e 17-të që do t’i hapte rrugën Joan Mirit dhe ky i fundit nuk e lëshoi më kreun, ndërsa “Suzuki” ia doli, për herë të parë që nga 1982-shi, të rrëmbente dy vendet e para të një gare.

Spanjolli tjetër, Pol Espargaro, plotësoi podiumin e Valencias, ndërsa skuadra e “Suzuki”-t duket se po shkon drejt titullit të 7-të botëror në kategorinë e konstruktorëve. Të gjitha emocionet e kësaj gare u sollën për sportdashësit drejtpërdrejt nga Rrjeti i Radio-Televizionit Shqiptar.

la.mi/Fjala.al

Të fundit

Horoskopi ditor, 22 janar 2021

Dashi Mbajini sytë hapur drejt mundësive të reja në sferën sentimentale dhe jetoni çdo gjë që do ju vijë përpara....

Aktori e thotë troç: Në SHBA punova në ndërtim dhe roje. Ça kujtoni ju se punojnë shqiptarët andej?!

Aktori i humorit Xhevahir Zeneli, ka thënë se kur ka jetuar në Amerikë, ka punuar si roje nate. Ai ka rrëfyer dhe disa detaje...

Angela Merkel: Kjo pandemi është katastrofa e shekullit

Kancelarja gjermane theksoi në konferencën e shtypit se infektimet po ulen, por virusi mbetet i rrezikshëm. Ajo u shpreh optimiste për marrëdhëniet me SHBA. Kancelarja...

Varianti i ri i koronavirusit, Oxford nis punën për vaksinën e re

Shkencëtarët nga Universiteti i Oxfordit po përgatiten të prodhojnë versione të tjera të vaksinës sa më shpejt të jetë e mundur, të cilat do...

Joe Biden rikthen karantinën dhe testin për këdo që hyn në SHBA

Presidenti Joe Biden dhe Nënpresidentja Kamala Harris po i kushtojnë një vëmendje të madhe përgjigjes të qeverisë federale ndaj pandemisë së koronavirusit. Zoti Biden pritet...

Lajme të tjera

Web TV