Shënohen 35 gola në 12 ndeshje, edhe 10 skuadra të tjera kualifikohen që tani për më tej. Veprimtaria e dytë e klubeve të kontinentit, Liga e Evropës ka luajtur të enjten, duke nisur nga ora 18:55, 12 ndeshjet e 6 prej grupeve të para. Në këto ndeshje, të luajtura në kuadër të takimeve të 5-ta të fazës së grupeve janë realizuar 35 gola, me një mesatare prej afro 3 golash për ndeshje, ndërsa janë njohur edhe 10 skuadrat të tjera që kualifikohen që tani për më tej.
Duke nisur nga ora 18:55, janë zhvilluar të enjten 12 ndeshjet e 6 prej grupeve, në kuadër të takimeve të 5-ta të fazës së grupeve të Ligës së Evropës. Në këto 12 takimet të para të së enjtes janë realizuar 35 gola, me një mesatare prej afro 3 golash për ndeshje. Në grupin G, AEK-u i Athinës është mundur pastër, 2-4 në Greqi përballë Bragës, ndërsa në takimin tjetër, të luajtur në Ukrainë, Zoria e Luhanskut ka mundur minimalisht Leister Sitin.
Teksa ka mbetur edhe një ndeshje për t’u luajtur, anglezët dhe portugezët janë të shkëputur në krye të renditjes, me nga 10 pikë, 4 më tepër sesa ukrainasit. Dhe, Braga i bashkohet kështu në turin e 32-shes Leister Sitit, që e kishte siguruar më herët vendin në fazën tjetër. Në grupin H, si Milani, ashtu edhe Lila i kanë bërë saktë detyrat e shtëpisë, duke mundur përkatësisht 4-2 Sëlltikun në “San Siro”, dhe 2-1 Spartën e Pragës, me përmbysje, në Francë.
Si francezët, që mbajnë vendin e parë me 11 pikë, ashtu edhe italianët, që janë të dytët, me një pikë më pak, janë kualifikuar që tani për më tej. Në grupin I, Makabi i Tel Avivit dhe Karabagu kanë shënuar nga një gol e kanë ndarë nga një pikë secila, ndërsa Sivaspori është mundur minimalisht në fushën e vet përballë Vijarealit, dhe spanjollët sigurojnë që tani vendin në turin tjetër, por edhe kreun e renditjes, me 13 pikë, 5 më tepër sesa izraelitët.
Ndërsa turqit janë dy pikë prapa, në vendin e 3-të, por ende në lojë për kualifikimin. Në grupin J, Antverpi ka mundur 3-1 në shtëpi Ludogoretsin e Razgradit, ndërsa Linzer ASK-ja ka shmangur humbjen në shtëpi, duke barazuar 3-3 në Austri me Totenhemin, por duke u eliminuar. Belgët mbajnë kreun e renditjes, me 12 pikë, dy më tepër sesa anglezët, që ndiqen nga austriakët me 3 pikë më pak, por skuadra londineze vijon më tej falë bilancit më të mirë në përballjet e drejtpërdrejta me Linzer ASK-në.
Ndërkaq, fitorja 2-0 që skuadra e Dinamos së Zagrebit arriti në fushë të huaj, në Holandë, ndaj Fejënordir vendas, por edhe fitorja minimale që edhe barazimi pa gola që mori në Rusi ndaj CSKA-ja e Moskës, kanë bërë që beteja të mbetet pjesërisht e hapur në grupin K. Kroatët, që janë kualifikuar edhe matematikisht për në turin e 32-shes, kryesojnë, me 11 pikë, 4 më tepër sesa austriakët, me holandezët që mbajnë vendin e 3-të me 5 pikë e rusët që janë dy pikë prapa.
Dhe, së fundi, edhe në grupin L janë përcaktuar dy skuadrat që kualifikohen që tani në fazën tjetër, në turin e 32-shes, pasi Crvena Zvezda ka marrë një pikë mjaft të vyer në shtëpi përballë Hofenhaimit, i ka mjaftuar për ta bërë të pavlefshem fitoren 2-1 që Slovan Libereci mori në Belgjikë përballë Gentit. Gjermanët kryesojnë me 13 pikë, 3 më tepër sesa serbët, ndërsa dy skuadrat e tjera janë eliminuar. Kështu pra, edhe pse ka mbetur edhe një ndeshje për t’u luajtur janë njohur gjysma e 24 skuadrave që shkojnë në shortin e turit të 32-shes së Ligës së Evropës.
Pa.Va/Fjala.al
