Mary Mary , mbesa i ish-presidentit amerikan po mendon seriozisht të ndryshojë mbiemrin e saj, në mënyrë që njerëzit të mos e kuptojnë lidhjen e gjakut që ajo ka me Donald Trump.
Sipas një artikulli të Dailymail, Mary shprehet se xhaxhai i saj i ka shkaktuar “një dëm të pallogaritshëm” Shteteve të Bashkuara të Amerikës, përgjatë kohës kur ishte në Shtëpinë e Bardhë.
“Dëmi që ai ka bërë është i pallogaritshëm, ne (amerikanët) thjesht po presim të mësojmë se çfarë mund të riparojmë tani e tutje” – tha ajo, në një intervistë për Sunday Telegraph.
Mbesa e Donald Trump e ka konsideruar madje atë si “njeriun më të rrezikshëm në botë”.
Mary, e cila është edhe psikologe klinike ka hedhur dritë edhe mbi marrëdhënien e tij me Melania Trump, duke thënë se ndoshta shumë shpejt mund të ketë një divorc mes tyre, pasi Donald nuk është i aftë të dojë askënd.
Në fakt, fjalët për një divorc të mundshëm midis çiftit të famshëm Trump kanë qarkulluar shpesh herë. Melania refuzoi të ndalonte dhe të pozonte për fotografët me bashkëshortin e saj, pas mbërritjes në aeroportin e Floridas, menjëherë pas largimit zyrtar nga Shtëpia e Bardhë.
“Nuk besoj se ai e kupton se çfarë do të thotë dashuri apo intimitet” – u shpreh Mary për xhaxhain e saj, duke pretenduar se deri më tani Melania thjesht ka pritur momentin e duhur, para se të nisi proçedurat për divorc.
