Presidenti i KRIIK Albania Premto Gogo, kërkesë krerëve të partive: Duhet transparencë totale, këto ditë deri në 25 prill përcaktojnë katër vjeçarin e ardhshëm

113 563 lexime

106,048FansaPëlqeje

EKSKLUZIVE

Kur na ndajnë shumë pak kohë nga zgjedhjet parlamentare të 25 prillit, Koalicioni për Reforma, Integrim dhe Institucione të Konsoliduara (KRIIK) organizoi Konferencën Kombëtare “Kostot e Demokracisë II; Paratë në politikë dhe Integriteti Zgjedhor”.

Në një prononcim për gazetën “Fjala” Premto Gogo, përfaqësues i KRIK Albania ka kërkuar nga partitë politike përgjegjësi e llogaridhënie të çdo veprim të tyre, pasi këto ditë deri në 25 prill përcaktojnë cilësisht dhe thelbësisht katër vjeçarin e ardhshëm.

Z.Gogo flet për transparencë totale dhe më pas kontroll e llogaridhënie. Sipas tij, kjo është një nga qëllimet kryesore të përpjekjeve te KRIIK dhe të Konferencës “Kostot e Demokracisë “.

“Ne populli, ne qytetarët duhet të ndalemi një çast nga përpjekja dhe përballja me të përditshmen, dhe, të reflektojmë.

Ky është momenti, këto 85 ditë të mbetura deri në ditën e zgjedhjeve janë vendimtare. Duhet reflektuar e vendosur nëse 4 vitet e ardhshme do të jenë vazhdim i së shkuarës, ku qytetari besonte verbtazi, me mendjen e zemrën e partisë apo të liderit politik për kandidaturat që do të mandatonin e vishnin me fuqinë e vullnetit të tyre,  apo do të nisin të ndërtojnë një të ardhme ndryshe duke i besuar mendjes,  zemrës dhe vizionit të tyre për të kërkuar integritet, moral e pastërti figure ndaj atyre që do të kenë privilegjin e madh për të përfaqësuar vullnetin e tyre, të popullit në parlamentin e ardhshëm.  Individë që gëzojnë cilësitë dhe vlerat më të mira, me përgjegjësi dhe vizion drejt vlerave euro-atlantike dhe që partitë politike duhet t’i  propozojnë si kandidatë.

Këto ditë deri në 25 prill përcaktojnë cilësisht dhe thelbësisht katër vjeçarin e ardhshëm. Ndërsa, tërësia e këtij procesi zgjedhor, sjellja politike, institucionale, por edhe individuale e secilit prej nesh gjatë kësaj kohe do të përcaktojnë thelbësisht dekadën e ardhshme, së paku, si testi i parë i konkretizimit të kërkesave dhe aspiratave të marrëveshjes politike të 5 qershorit 2020, për ndërtimin e një shoqërie dhe demokracie funksionale e të gjallë.

Lexo edhe :  Nuk do e njihni/ Najada Çomo ndryshon pamje (Foto)

Secili prej nesh përpra, përpara se të jetë ajo çka ka zgjedhur të bëjë e të jetë në jetë, është së pari qytetar, që do të ndajë njësoj  e përballet me sfidat e së ardhmes. Ndaj ne si aktor të shoqërisë civile kërkojmë të fillohet, tani sa më parë. Transparencë , përgjegjësi e llogaridhënie për financat, interesat , lidhjet që mbështesin partitë politike dhe kandidatët e tyre.

Duhet bërë transparence jo vetëm e gjendjes gjyqësore, por edhe e integritetit moral e profesional ndaj çdo kandidati . Duhet transparencë e plotë për burimet e financimit, pasuritë dhe asetet që gëzojnë partitë politike. Madje edhe kandidatët. Duhet sa më parë , tani, përpara ditës së zgjedhjeve, apo në kohë reale me shpenzimet e fushatёs. Duhet transparencë në rradhë të parë, totale. Pastaj, më pas edhe kontroll e llogaridhënie.

Kjo është një nga qëllimet kryesore të përpjekjeve te KRIIK dhe të Konferencës “Kostot e Demokracisë “.

Aktoret civilë dhe partnerët më të rëndësishëm ndërkombëtarë folën. Është koha dhe rradha e partive politike”, u shpreh Premto Gogo, përfaqësues i KRIK Albania për gazetën “Fjala”.

 

 

Të fundit

Çfarë duhet të kenë parasysh qytetarët që hyjnë në Kosovë, publikohet vendimi për masat kufizuese

Qeveria e Kosovës ka publikuar vendimin me masat e reja kundër COVID-19, të cilat do të hyjnë në fuqi...

Nisin punimet në autostradën Tiranë-Durrës, ja si do të devijojë trafiku i makinave për dy javët në vazhdim

Nga dita e mërkurë e datës 7 prill dhe për dy javë, të gjitha automjetet që lëvizin në autostradën Tiranë-Durrës, do të duhet të...

Akuzohet si organizator i vrasjes së Behar Sofias/ Gjykata e Apelit lë në burg Skënder Vathin

Gjykata e Apelit në Tiranë ka lënë në qeli Skënder Vathin, i akuzuar si organizator i vrasjes së Behar Sofias. Sipas “BalkanWeb”, ai kërkoi nga...

Plagoset rëndë një person në vendin e punës, dërgohet me urgjencë drejt spitalit të Korçës

Një person është plagosur rëndë nga mjeti i punës në Korçë. Mësohet se punonjësi ka marrë plagë të rënda në trup dhe është dërguar me...

Kërcënim për sulm në një nga spitalet shqiptare, policia kalon në gjendje gatishmërie

Policia e Kosovës mori sot njoftim për një kërcënim për sulm dhe ka ndërmarrë të gjitha masat parandaluese në spitalet e vendit. Lajmin e konfirmoi...

Lajme të tjera

Web TV