Një çift është martuar në një repart ku gjenden pacientët e prekur me coronavirus pas një apeli urgjent për një zyrtar që bën zyrtarizimin e martesave.
Sipas medieve të huaja, Phillip, 78 vjeç dhe Patricia, 88 vjeçe, nga Coventry, Angli lidhën nyjën në Spitalin Universitar të qytetit, ku Patricia po trajtohet për Covid-19.
Dasma e tyre erdhi pasi anëtarja e stafit të spitalit Joanna Shakespeare bëri thirrje në Twitter për ndihmë për të gjetur një “regjistrues”.
Dhe stafi i spitalit kanë thënë se ishte “një pasdite që nuk do ta harrojmë kurrë”.
Siç bëhet e ditur, çifti e kanë njohur njëri-tjetrin për më shumë se 46 vjet – pas takimit të parë në xhirimet e një pantomime për të cilën po punonin të dy.
Ata po planifikonin të martoheshin pas pandemisë, por pasi prisnin një vit planet e tyre ndryshuan dhe ata kërkuan ndihmë nga stafi i spitalit.
Çifti huazoi unazat, një “ushtri” e stafit mjekësor veproi si shoqërues të nuses, dhe një mjek veproi si dëshmitarë në martesë të premten.
Dikush nga Zyra e Regjistrimit të Coventry shërbeu në ceremoni, tha spitali.
Qindra njerëz postuan urime dhe komente pasi fotografitë e tyre u postuan në rrjetet sociale.
