Edhe ata që janë 55 vjeç dhe të shëndetshëm do të marrin vaksinën AstraZeneca. Kjo ka qenë deklarata e bërë nga Komisioni Teknik Shkencor AIFA.
“Në pritje të marrjes së të dhënave të mëtejshme, për të zhvilluar në momentin e duhur vaksinimin edhe te personat e shëndetshëm të moshës 18 dhe 55 vjeç që do të mund të marrin vaksinën AstraZeneca”.
Fushata e vaksinimit tani mund të lëvizë në dy linja njëkohësisht. Nga njëra anë për të moshuarit dhe për ata që rrezikojnë të zhvillojnë një formë të rëndë të sëmundjes, të cilët do të vaksinohen me Pfizer-Biontech dhe Moderna, nga ana tjetër ata që nuk kanë faktorë rreziku dhe kryejnë aktivitete që do të kenë ilaçin nga AstraZeneca.
Kur AIFA i dha dritën jeshile vaksinës AstraZeneca, pas miratimit të mbërritur nga EMA, ajo kishte rekomanduar përdorimin e saj midis personave të moshës 18 dhe 55 vjet.
Aspekt i nënvizuar gjithashtu edhe nga EMA, e cila kishte autorizuar vaksinën në Bashkimin Evropian për të gjithë personat mbi 18 vjeç.
Nga ana tjetër, Gjermania i tha jo AstraZeneca për personat mbi 65 vjeç, duke këmbëngulur se zgjedhja nuk diktohet nga dyshimi për një cilësi të keqe, por nga fakti që ende nuk ka informacion të mjaftueshëm për efikasitetin në këtë grupmoshë.
