përmes ajrit nga njerëzit që teshtin dhe kolliten, por gjithashtu edhe kur flasin dhe nxjerrin pikat e mëdha dhe të vogla të quajtura aerosole.
Infektimi përmes sipërfaqeve, megjithëse është i mundur, duket shumë i rrallë. Është e vërtetë që koronavirus mund të qëndrojë në dorezat e ndotura të dyerve, butonat, tavolina por këto nuk janë burimet kryesore të infeksionit.
Falë një njohurie më të mirë se muaj më parë, është e qartë se transmetimi i virusit është veçanërisht nga ajri. Sidoqoftë, larja e duarve mbetet shumë e rëndësishme dhe rekomandohet gjerësisht për të ndihmuar në uljen e rrezikut të infektimit, dhe jo vetëm nga koronavirusi.
Virusi infektiv?
Marsin e kaluar, një seri studimesh që kishin patur theks të madh mediatik kishin treguar se koronavirusi mund të qëndronte në plastikë dhe çelik për ditë me radhë. Do të kujtojmë se shumë qytete në botë, përfshirë Italinë, filluan për të pastruar edhe rrugët.
Disa studime gjatë muajve kanë gjetur gjurmë të materialit gjenetik Sars-CoV-2 praktikisht kudo, por kjo nuk nënkupton që koronavirusi është aktiv dhe ende i aftë të infektojë. Grimcat virale nuk zgjasin shumë jashtë një organizmi dhe gradualisht bëhen më pak të rrezikshme.
Në çdo rast, është e mjaftueshme për t’i dezinfektuar ato plotësisht për të shmangur çdo gjurmë të virusit.
Laborator dhe realitet
Ndërsa këto lloj eksperimentesh tregojnë se koronavirus mund të mbijetojë në sipërfaqe, kjo nuk do të thotë që njerëzit po sëmuren nga prekja e butonave dhe dorezave.
Emanuel Goldman, një mikrobiolog argumentoi se sipërfaqet paraqisnin një rrezik relativisht të ulët të transmetimit të virusit, duke paralajmëruar disa studime të kryera në laborator, ku krijohen kushte të vështira për t’u përsëritur në botën reale, me eksperimente që marrin parasysh sasi të mëdha të viruseve. Vetëm një pjesë e studimeve kanë kërkuar viruse të vlefshme jashtë laboratorëve.
Studiuesit izraelitë fshinë sende personale dhe orendi në një njësi spitalore Covid dhe një hotel për karantinë, por asnjë nga materialet virale nuk ishte në gjendje të infektonte.
Sipas tezës së raportuar nga Nature, mungesa e qartësisë në rreziqet e transmetimit përmes sipërfaqeve kundrejt transmetimit të aerosolit ka implikime të mëdha sepse njerëzit do të vazhdojnë ti japin përparësi përpjekjeve për kontrollin e dëmtuesve.
