Kryeministri Edi Rama ka shpërndarë disa pamje nga qyteti i Pukës, ku disa banorë shprehen se qyteti i tyre është transformuar.
Rama shkruan se sot bukuritë natyrore të Pukës që askush nuk i shkelte, janë kthyer në një qytezë mikpritëse.
“Bukuritë përrallore që askush nuk i shkelte, sot janë kthyer në një qytezë mikpritëse për vizitorë e turistë të huaj, në ndihmë të bizneseve me produkte të zonës, shëmbëlltyrë e pamohueshme e Rilindjes Urbane, nga Veriu në Jug” shkruan Rama.
Ndërkohë një qytetar me batutë ka thënë se Puka shumë njerëzve u duket si në Honolulu, por sipas tij puna e ka transformuar këtë qytet.
“Eh Puka. Që për shumë njerëz duke në Honolulu. Por puna, bën gjithçka. Puna dhe kur vlerësohet. Ajo që është e mirë, është e mirë. Ka një ecje edhe në infrastrukturë Puka. Ndonjëherë më jep shije edhe të një pjese të vogël të Pogradecit.” ka thënë Dedë Morina..
