Kreu i SPAK, Arben Kraja ka shfrytëzuar sot panelin e konferencën ‘Forcimi i Drejtësisë Penale’ për të paralajmëruar një deklaratë, se do të ketë arrestime të tjera zyrtarësh të lartë të shtetit shqiptar.
Ai tha se ditët në vijim, SPAK do të dërgojë në gjyq të tjerë zyrtarë të lartë që kanë abuzuar me fondet publike.
Duke iu referuar arrestimit të dy prokurorëve dhe kryebashkiakut të Lushnjes, ditët e fundit, Arben Kraja tha se këto janë vetëm fillimi i një pune që do të ketë të njëjtin ritëm dhe prioritet.
“Përparësi e SPAK është lufta kundër krimit të organizuar e korrupsionit e hetimit të rasteve ndaj zyrtarëve të lartë, por duhet të kemi parasysh se ato që ndodhën ditët e fundit 2-3 ngjarje që janë bërë publike nuk është se është fundi, është fillimi i një produkti që ka kohë që po punojmë e do vijojë me të njëjtin ritëm e përparësi. Lufta kundër krimit të organizuar e korrupsionit, pastrimit të parave janë prioritetet tona, kundër shkelësve e abuzuesve të fondeve publike janë prioritet e do kenë produkt në vazhdimësi. Kemi menduar të kapërcejmë pak atë shkallën e raportimit të produktit, puna jonë mbaron kur të kemi një vendim të formës së prerë të gjykatës. Përjashto sot që dërguam për gjykim një grup të rrezikshëm kriminal, vetëm ditët e fundit GJKKO ka dhënë vendime përfundimtare për disa grupe të rrezikshme kriminale, efektiviteti i punës tonë duket te faza e fundit e jo të faza e parë që kërkon dhe kohën e nevojshme për t’u arritur. Në raport me të ardhmen kemi shumë punë për të bërë , por është vullneti i mirë nga të gjithë prokurorët, kanë kompetencat, trajnimin, mbështetjen dhe pavarësinë e duhur për të vendosur bazuar në bindjen që do kenë.
Kreu i SPAK, tha se BKH është gjithashtu drejt konsolidimit, ndërsa kërkoi nga ministria e drejtësisë, të mendohet një hapsirë e re për akomodimin, për të patur hapsirën e duhur.
“BKH është drejt konsolidimit, përzgjedhja e grupit të dytë është drejt fundit, besoj deri në fund të vitit. Është e domosdoshme të mendohet për një hapsirë të duhur të akomodimit. Pavarësisht se jemi struktura, por ushtrojmë të njëjtin funksion, bëjmë të njëjtën punë. Kemi firmosur një marrëveshje mirëkuptimi. Kemi përmbyllur detyrimet gjatë këtij viti për raportim qoftë me KLP si edhe me Kuvendin, arritëm të realizojmë detyrimet ligjore.
Jemi pjesë e strukturës që raportojmë për BE, edhe në drejtim të pjesëmarrjes në grupet e punës për hartimin e ligjeve të ndryshme. Kemi qenë prezent në gjykatë kushtetuese. Kemi zbatuar detyrimet ligjore, në raport me institucionet e tjera”.
Fjala është e lirë. Liria është fuqi!
E-mail : info@fjala.al
Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të Fjala.al. Shfrytëzimi i materialeve nga ndonjë faqe interneti a medium tjetër pa lejen e FJALA.al, është shkelje e të drejtave të autorit dhe të pronës intelektuale sipas dispozitave ligjore në fuqi.
FJALA MEDIA GROUP
NUIS/NIPT : L92423005H