Disa letra personale të shkruara me dorë nga legjenda kinematografike e arteve marciale Bruce Lee, zbulojnë së fundmi se ylli i filmit “Enter the Dragon” ishte një përdorues i fshehtë drogash.
Rreth 40 letra të shkruara prej Lee për një koleg aktor tregojnë zakonin e tij ndaj të cilit kishte krijuar varësi dhe po dilte jashtë kontrollit.
Zbulimet mund të jenë një, ose arsyeja kryesore e vdekjes së parakohshme të aktorit të aksionit, në moshën 32 vjeçare.
Në letrat e tij për Robert Baker zbulohet se ky i fundit furnizonte Lee me droga si kokainë, LSD e kanabis nga viti 1969 deri afër vdekjes së tij në vitin 1973. Letrat u zbuluan në një treg objektesh të vjetra dhe do të nxirren në ankand në SHBA për 180 000 dollarë.
Megjithse ka pasur dhe më parë fjalë në Hollywood se Lee përdorte droga, letrat tashmë konfirmojnë jo vetëm këtë por dhe varësinë e tij ndaj tyre.
Baker, i cili vdiq në moshën 52 vjeçare në 1993, kishte rrezikuar duke i dërguar drogat për Lee nga Shtetet e Bashkuara, kur aktori ishte duke filmuar në Hong Kong. Në vitin 1972 aktori i famshëm amerikano-kinez Lee i kërkonte kolegut aktor t’i dërgonte sasi “të mëdha kokaine”.
Ai shpjegon gjithashtu se “i bërë tapë me droga” por i nevojitej kokainë për t’u rikthyer në formë për xhirimet e filmit të ri.
Teksa filmonte filmin e tij të njohur “Enter the Dragon” në Hong Kong në 1973, bashkëshortja e Lee, Linda kishte shkruar në vend të tij për të kërkuar drogat nga i njohuri.
Në një letër të datuar 14 prill, ajo shkruan: “Mos u shqetëso që Bruce përdor C (kokainë) ai nuk do të bjerë në ujë prej saj.”
Por fatkeqësisht një muaj më vonë Lee pësoi një krizë epileptike nga enjtja në tru. Aktori e kaloi këtë episod, por më vonë u gjet i vdekur në krevatin e tij më 20 korrik 1973.
Zëdhënësi i ankandeve Heritage në Dallas tha: “Bruce Lee është artisti më me influencë i arteve marciale dhe i kulturës popullore në shekulin e 20-të, por letrat tregojnë se ai ruante një sekret të madh brenda vetes”.
