Juventusi luan sot ndeshjen e parë të sezonit në Serie A, teksa sfidon në transfertë Udinesen. Ajo që ka tërhequr vëmendjen e të gjithëve ditën e sotme, është se ylli i skuadrës, Cristiano Ronaldo nuk është titullar, por e nis ndeshjen nga stoli.
Në Itali raportojnë së fundmi se ka qenë kërkesë e vetë portugezit, për ta nisur ndeshjen nga stoli.
Thuhet se 36-vjeçari shpreson të ndryshojë skuadër në këtë merkato vere dhe për këtë arsye nuk donte të rrezikonte një dëmtim të mundshëm në ndeshjen e sotme.
Gjithsesi në drejtim të Juventusit ende nuk ka një ofertë konkrete nga ndonjë klub, për të marrë shërbimet e Ronaldos.
