Kim shtyn SPAK-un: Ndiqni korrupsionin e të mëdhenjve

113 563 lexime

106,048FansaPëlqeje

Shefja e diplomacisë amerikane në Tiranë, Yuri Kim, ka takuar kreun e SPAK për luftën ndaj korrupsionit. Ajo i ka kërkuar Krajës që të jetë “i pavarur” në hetime, pavarësisht se sa i pasur apo me influencë politike të çdo partie është personi i korruptuar.

Lufta ndaj korrupsionit mbetet një sfidë për Shqipërinë dhe për procesin e integrimit në Bashkimin Europian. Edhe pse u lançua se do të ketë kapje të peshqeve të mëdhenj apo arrestime të bujshme, pas arrestimit të kryebashkiakut të Lushnjes dhe zëvendesministres së Brendshme asnjë arrestim nuk u krye në këtë muaj vere. Si një “zgjim”, shefja e diplomacisë ka trokitur në derën e kreut të SPAK, duke i kërkuar mos tolerojë askënd. Ambasadorja e Shteteve të Bashkuara në Tiranë, Yuri Kim, zhvilloi ditën e djeshme një takim me kreun e SPAK, Arben Kraja. Në një postim në “Twitter”, Kim shkruan se SPAK duhet të ndjekë korrupsionin pavarësisht se sa i fuqishëm, i pasur apo secilës parti i përket individi. Ndër të tjera, Kim ka treguar arritjet e SPAK ku ndër të tjera, ka qenë dhe konfiskimi i mbi 70 milionë eurove të parave që qarkullonin nga veprimtari kriminale. “U takova me shefin e SPAK Arben Kraja për të nënvizuar pritshmërinë që SPAK do të ndjekë penalisht korrupsionin dhe krimin e organizuar – pavarësisht se sa i fuqishëm apo i pasur, pavarësisht se cila parti. Me më shumë prokurorë dhe hetues të rinj të NBI, SPAK po jep gjithnjë e më shumë rezultate çdo ditë” ka shkruar shefja e diplomacisë. Ajo ka nënvizuar se që nga fillimi i këtij viti, SPAK ka hapur 264 raste të reja të korrupsionit. “Që nga fillimi i vitit 2021, SPAK ka hapur 264 raste të reja (218 korrupsion + 46 organizata krim). 127 persona janë dënuar. Vendimet përfundimtare të gjykatës konfirmuan konfiskimin e € 70+ milion që tani i janë transferuar shtetit shqiptar. Hap pas hapi…”, shkruan ajo në llogarinë e saj në Twitter.

Lexo edhe :  Hidhet në erë me tritol makina e punonjësit të policisë në Durrës

Raporti

Ambasadorja e Shteteve të Bashkuara të Amerikës në Shqipëri, Yuri Kim, ka edhe komentuar raportin e fundit të Dhomës Amerikane të Tregtisë për klimën e biznesit në Shqipëri. “Ka një lidhje të drejtpërdrejt mes sundimit të ligjit dhe biznesit. Rregullat e qarta, përfshi atë të zgjidhjes përfundimtare të çështjes së pronave, gjykatat e pastra dhe procedimi i rregullt i korrupsionit do të tërheqë më shumë investime amerikane dhe do t’u japë shqiptarëve më shumë mundësi për prosperitet”, shkroi ambasadorja në Twitter. Në raportin e fundit të Dhomës Amerikane, u tha se besimi i biznesit tek ekonomia ka rënë. Shkak është bërë ndikimi i pandemisë së Covid-19 dhe progresi më i ulët se sa pritej në treguesit kryesorë. Besimi i biznesit në Shqipëri ra me 0,5% në 2021, duke arritur në 37,6, krahasuar me vitin e mëparshëm kur ky tregues ishte 38,1. Rënia e besimit të përgjithshëm të biznesit ishte relativisht e vogël, por e rëndësishme, pasi shënoi nivelin më të ulët të besimit nga bizneset, që nga fillimi i Indeksit në 2012.


Të fundit

Kim shtyn SPAK-un: Ndiqni korrupsionin e të mëdhenjve

Shefja e diplomacisë amerikane në Tiranë, Yuri Kim, ka takuar kreun e SPAK për luftën ndaj korrupsionit. Ajo i...

Horoskopi ditor, 9 shtator 2021

Dashi Do të kënaqeni shumë këtë javë nëse çliroheni nga pengesat që ju kanë mbajtur peng. Flisni dhe veproni si ta ndjeni. Mos u shqetësoni...

E rëndë në Etiopi/ Zbulohen trupat e pajetë të 119 personave, mes viktimave fëmijë

Zyrtarët në Etiopi kanë akuzuar luftëtarët Tigrayan për vrasjen e 119 civilëve në rajonin fqinj të Amhara. Ata thanë se kishin zbuluar dy varre masive...

Shqipëria triumfon ndaj San Marinos, kuqezinjtë shënojnë pesë gola

Kombëtarja shqiptare e kthen në festë ndaj San Marinos. Kuqezinjtë shënojnë pesë gola, duke regjistruar një nga triumfet më të thella. Ishte Manaj ai...

Lajme të tjera

Web TV