Veliaj: Pas autobusëve të Unazës së Re, do i hiqet licenca një tjetër kompanie

113 563 lexime

106,048FansaPëlqeje

Kryebashkiaku Erion Veliaj ka deklaruar se do i hiqet licenca një prej kompanive që bën pastrimin në një prej njësive administrative ku menaxhimi i mbetjeve linte shumë për të dëshiruar.

“Siç mora një vendim të vështirë, por të drejtë për heqjen e licencës së një linje autobusi, po përgatitem për të marrë një vendim tjetër këtë javë, prapë për heqje licence, por tani të një operatori pastrimi. Ajo zonë, që ka qenë një nga zonat më problematike dhe ku kemi pasur më shumë vërejtje me atë operator, Loti IV, do t’i kalojë kompanisë publike “Eco Tirana” për të kryer pastrimin aty, sepse kjo histori duhet të marrë fund,” deklaroi ai, duke shtuar se, viti i ri shkollor duhet ta gjejë kryeqytetin në një situatë shumë të rregullt.

Bashkia e Tiranës do t’i bashkohet Ditës Botërore të Pastrimit, të shtunën e 18 Shtatorit. Aksioni, që pritet të aktivizojë punonjës, por dhe shumë qytetarë të organizuar në mënyrë vullnetare në disa prej pikave më nevralgjike të caktuara në çdo lagje të Tiranës, është lançuar nga vetë kryetari i Bashkisë, Erion Veliaj, i cili ka njoftuar se kryeqyteti i rikthehet kështu traditës së përvitshme për pastrimin e qytetit.

“Tani qyteti pastrohet si kurrë më parë. Kush vjen nga jashtë, – edhe delegacioni i Kancelares që ishte para pak ditësh, – e dallon dhe thotë: “Tirana është sot dita me natën”. Por pyetja është, – “a mjafton?” Qartazi nuk mjafton! Kur shikon që ka akoma njerëz që hedhin nga ballkoni, apo se si në koshat e vegjël që janë vetëm për përdorim të mbeturinave të konsumit hidhet qesja e mbeturinave industriale të shtëpisë, do të thotë që kemi ende shumë për të bërë, fillimisht për të ndryshuar mentalitetin. Ndaj jam edhe sot shumë i lumtur që, përveç uniformave të Bashkisë, shoh edhe shumë uniforma të vullnetarëve, pasi kjo nuk bëhet dot vetëm,” u shpreh Veliaj, duke nënvizuar se një qytet që do të jetë Kryeqyteti Europian i Rinisë 2022, fillimisht duhet të jetë i pastër.

Lexo edhe :  Mbërrin në Rinas kancelarja Angela Merkel, ja kush e priti në aeroport

Viti 2021 është viti i katërt i Ditës Botërore të Pastrimit, të cilës i bashkohen 186 shtete. Për vitin 2022, Shqipëria është përzgjedhur edhe si vendi organizator i Ditës Botërore të Pastrimit.

 


Të fundit

Burri sulmon me hark kalimtarët, dy të vdekur (Video)

Dy persona kanë mbetur të vdekur pasi një burrë qëlloi me hark mbi kalimtarët në Holandë. Pamjet tronditëse që tregojnë një burrë...

Kurti: Nga 1 tetori universiteti publik falas për të gjithë studentët

Kryeministri Albin Kurti ka njoftuar se nga 1 tetori do të hiqen të gjitha pagesat për studentët e Bachelorit dhe Masterit, në të gjitha...

Këto janë ushqimet që mund ti falin lëkurës tuaj elasticitet

Kur vjen puna për të mbrojtur lëkurën tuaj, me siguri bëni të gjitha gjërat që duhet duke e hidratuar çdo ditë dhe duke vënë...

Venecia 2021/ Veshjet më të çmendura, ja pse do ta mbani mend gjatë Festivalin e Filmit

Eleganca dhe magjepsja parakalojnë në tapetin e kuq të ngjarjes që tërheq vëmendjen e dashamirëve të kinemasë, por edhe të atyre që janë goditur...

Arrestohet 35-vjeçari egjiptian në Tiranë i shpallur në kërkim ndërkombëtar

Arrestohet në Tiranë një 35 vjeçar egjiptian i shpallur në kërkim ndërkombëtar. Shërbimet e Policisë Kufitare Rinas në bashkëpunim me Interpol Tirana, në kuadër të...

Lajme të tjera

Web TV