Një 65-vjeçar është plagosur me armë zjarri mëngjesin e sotëm në fshatin Ngurrëz e Vogël në Lushnjë. Ngjarja u regjistrua rreth orës 05:00, ku i plagosur mbeti Faik Veliu, i cili dyshohet se u qëllua me armë nga vëllai i tij, Sami Veliu, i cili pas ngjarjes u largua.
Megjithatë arratia e tij nuk zgjati shumë, pasi u vu në pranga pas pak orësh nga policia. Faik Veliu është dërgua në spital ku fatmirësisht ndodhet jashtë rrezikut për jetën.
Nuk dihen ende rrethanat e ngjarjes, nëse vëllezërit kishin konflikte të hershme apo nëse shkak për plagosjen u bë një sherr i momentit. Grupi hetimor ndodhet në vendngjarje dhe vijon punën për sqarimin e rrethanave të ngjarjes.