Rama flet për herë të parë për Vettingun e politikanëve: Gati të ulemi në tryezë me opozitën

113 563 lexime

106,048FansaPëlqeje

Kryeministri Edi Rama foli për herë të parë për propozimin e kryedemokratit Lulzim Basha për vettingun e politikanëve.

Pas mbledhjes me krerët e degëve të PS, në selinë rozë, kryeministri Rama tha se pranon të ulet në tryezë me opozitën, për të dëgjuar argumentet e tyre, për të dhënë argumentet e tij, për të marrë mendimin e ekspertëve të fushës dhe në fund për të nxjerrë konkluzione.

I pyetur se çfarë u diskutua në takimin dy orësh, Rama u shpreh shkurtër se “Kjo është mbledhje parti, nuk është ndonjë temë me interes të madh publik. Çështje organizative, çështje të analizave në qarqe”.

Pyetje: Do e miratoni nesër komisionin hetimor për mbetjet?
Rama: Nuk e di. Nesër unë do të votoj, siç është marrë vendimi. Nuk kam dëgjuar që ka ndonjë votë kundër, kështu që besoj se do të votohet. Mosdakordësitë mes palëve janë normale, diskutohen, çfarë mund të realizohet, realizohet.

Pyetje: Më 2018 rrëzuat vettingun politik, çfarë ka ndryshuar që keni ndërruar mendje?
Rama: E para, nuk ma keni lexuar mendjen. Nuk kam shprehur opinion të drejtpërdrejtë, për të respektuar një parim, që e kemi vendosur vetë që në fillim, që ne jemi të hapur të diskutojmë çdo gjë. Do të ulemi me vullnet të mirë për çdo gjë që opozita do të diskutojë. Më 2018 ka pasur një propozim, që është konsideruar jo bindës. Nuk dimë gjë për propozimin e ri. Janë tre vite, në tre vite gjërat evoluojnë, argumentet po. Nëse ka argumente bindës, ne do bëjmë më të mirën.

Seriozitet mbi parimin se jemi gati të diskutojmë çdo gjë, fillon nga këtu. Nëse që në fillim ne themi fjalën e fundit në dialog, atëherë s’ka tryezë. Do të ulemi në tryezë, do të japim gjithë disponimin për të dëgjuar, do dëgjojmë, do themi ato që mendojmë, do marrim mendimet e ekspertëve tanë të fushës dhe do arrijmë në konkluzione në mënyrë sa më civile. E kam thënë që cilësia e demokracisë, e bashkëjetesës, nuk varet nga sa shpesh biem dakord, por nga mënyra se si nuk biem dakord. Mund të mos biesh dakord duke gjuajtur me gurë, por edhe duke argumentuar normalisht. Ne duam këtë të dytën.


Të fundit

Rama flet për herë të parë për Vettingun e politikanëve: Gati të ulemi në tryezë me opozitën

Kryeministri Edi Rama foli për herë të parë për propozimin e kryedemokratit Lulzim Basha për vettingun e politikanëve. Pas mbledhjes...

Unaza e Madhe, hapet një tjetër segment për qarkullimin (Video)

Duke nisur nga mesnata e kësaj të mërkure do të hapet për qarkullimin e automjeteve një tjetër segment i Unazës së Madhe të Tiranës. Bëhet...

Pse askush në PD nuk po gëzon për ‘kandidaturën’ e Sali Berishës?

Nga Mero Baze Sali Berisha shpalli për herë të tretë kandidaturën e tij për të qenë në krye të Partisë Demokratike. Herën e parë më...

Pasi pinë kokainë gjithë natën, shqiptari masakron 62 herë me thikë rumunin në Angli (Emri)

Një baba i tre fëmijëve është masakruar me thikë nga një shqiptar në Birmingham të Anglisë. Viktima, Marian Savu 43-vjeç nga Rumania raportohet se...

Alarm për bombë në një metro të Parisit, evakuohen qindra persona

Qindra persona janë evakuuar nga stacioni hekurudhor Gare du Nord në Paris, pas një alarmi për bombë, shkruajnë mediat vendase. Në rrjetet sociale janë shpërndarë...

Lajme të tjera

Web TV