Një 60-vjeçar, i plagosur me arme në këmbë, ka kërkuar ndihmë mjekësore në spitalin e Shkodrës pasditen e sotme.
Sipas raportimeve të para, nuk kemi të bëjmë me një ngjarje kriminale, por vetëplagosje.
“Shtetasi N.B., 60 vjeç, banues në lagjen Mehaj të qytetit Koplik, ka shkuar për ndihmë mjekësore në Spitalin Rajonal Shkodër, pasi dyshohet se aksidentalisht në oborrin e banesës është vetëplagosur me armë gjahu në këmbë, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes. Nga veprimet paraprake hetimore rezultoi se shtetasi N.B., e kishte me leje armën e gjahut”, njofton policia.
