Gjykata e Apelit të qytetit të Vlorës ka lënë në fuqi vendimin e gjykatës së shkallës së parë “Arrest me burg” për ish-drejtorin e Kadastrës së këtij qyteti, Klodian Trocin.
Troci akuzohet për veprën penale të “Shpërdorimit të detyrës”, kryer në bashkëpunim.
Nga kontrolli në shtëpinë që kishte në Tiranë, atij i janë gjetur 65,000 euro dhe disa dokumente të falsifikuara.
Në seancën e kaluar në Gjykatë Troci refuzoi të fliste, ndërsa avokati i tij kërkoi masë më të lehtë sigurimi, por kjo nuk u prianua nga trupa gjykuese.
Klodian Troci ka punuar rreth 3 muaj në Drejtorinë e Pronave në Qarkun e Vlorës, ku ditët e fundit u vodhën dokumentat origjinale të tokave në Dhërmi.
Po ashtu, deri më datë 24 shtator 2021, Troci ka qenë në krye të Kadastrës së Vlorës.
