Tensionet mes Rusisë dhe Ukrainës bëhen gjithnjë e më serioze. Palët e të dy shteteve duket se janë mobilizuar kundër njëra tjetrës.
Rusia ka shtuar tendat me ushtarë e municione pranë kufirit, ndërsa ukrainasit po përgatiten dita ditës për të mbrojtur vendin e tyre.
Në mbrojtje të vendit, erdhi edhe ish-kampioni i boksit në peshën e rëndë Vladimir Klitschko.
Ai u regjistrua në ushtrinë rezerviste të Ukrainës në Kiev të mërkurën, duke thënë se dashuria për vendin e tij e detyroi atë t’i dilte në mbrojtje.
Si Wladimir ashtu edhe vëllai i tij Vitali Klitschko i cili mban postin e Kryebashkiakut të Kievit dhe gjithashtu ish-kampion i boksit në peshën e rëndë, ishin të pranishëm gjatë hapjes së një qendre rekrutimi të Forcave të Mbrojtjes Territoriale në kryeqytet.
“Është dashuria, dashuria për qytetin tim, shtëpinë, familjen time, fqinjët, vajzën time që më ka sjellë këtu sot, që mora këtë iniciativë dhe tani po marr pjesë në këtë mbrojtje të territorit.
