Ish- kryeministri Sali Berisha ka akuzuar policinë e shtetit se kanë vjedhur një shtetase spanjolle kur ajo është arrestuar dhe është mbajtur në komisariat. Berisha ka dhënë emrat e disa policave të cilët i ka akuzuar për vjedhje brenda institucionit ligjzbatues
Ish-kryeministri Sali Berisha ka denoncuar në rrjetet sociale një rast vjedhje ndaj një vajze të arrestuar pak ditë më parë në Tiranë e akuzuar si punonjëse seksi. Ish- kryeministri Sali Berisha ka shkruar në rrjetin social “Facebook” se policia i ka marrë shtetases spanjolle 6000 euro nga çanta dhe ka fshehur ngjarjen edhe pse është denoncuar.
“Policia i vjedh 6.000 euro spanjolles të ndaluar si punonjëse seksi. Policia është e mbushur me delinkuentë nga Partia e Krimit dhe Çuçi i familjes! Shefat kanë marrë para dhe fshehin denoncimin dhe krimin”, shkruan Berisha. Berisha duke ju referuar një denoncimit të një qytetari ka vënë gishtin mbi policinë e Shtetit. Sipas Berishës më datën 29.09.2022 Seksioni i Trafiqeve në Drejtorinë e Policisë Tiranë ka zhvilluar një operacion ku jam shoqëruar 6 femra të huaja të dyshuara për prostitution ku një prej tyre është arrestuar. “Njërës nga femrave të shoqëruara të kombësisë spanjolle Punonjësi i Policisë së antidrogës Dritan Jaupaj së bashku me oficerin e trafiqeve Alket Pashai dhe tre Punonjës të tjerë policie i kanë vjedhur nga çanta një shumë prej 6.000 Eurosh”, shkruan Berisha.
Sipas denoncuesit në faqen e ish- kryeministrit shetasja spanjolle e ka bërë problem vjedhjen e shumës por sipas denoncuesit nuk është kthyer pas.
“Kjo shtetase e ka bërë problem, është ankuar por shuma e parave nuk i është kthyer. Nga kjo shumë sipas të dhënave ka marrë pjesën e tyre shefi i trafiqeve Ilia Goga dhe shefi i sektorit Arber Zemani. Është informacion 100% i sakte. Femra e vjedhur është e kombësise spanjolle”, shkruan Berisha referuar denoncuesit i cili i ak dërguar Berishës dhe informacionin zyrtar të dërguar për median nga policia.
Referuar statusit të Berishës, denoncuesi ka vijuar edhe më një shqetësim tjetër që ka të bëjë me rikthimin në detyrë të një ish- punonjës policie “Arbër Zemani është i famshmi e Durrësit që ju keni bërë statuse dhe është kthyer me ndërhyrjen e fuqishme të Perlat Cullhaj tek Ministri i Velieres Bledi Çuçi duke e katapultuar Zemanin shef sektorit për narkotiket dhe trafiqet në Drejtorinë e Policisë Tiranë”, shkruan Berisha.