I ashpër ka qenë Edi Rama në përgjigjen e tij kundër opozitës për sa i përket debatit për Portin e Durrësit. Ai e krahasoi opozitën me “gomaricat e Faik Beut”.
Duke cituar pjesë nga njëra prej “4 përrallave të Zullulandit”, të Faik Konicës, në fragmentin “Një Ambasadë e Zulluve në Paris”, ku flitet për gomaricat, Rama tha se i gjithë katundi politik dhe mediatik të bashkohet, projekti për ndërtimin e Portit të Ri të Durrësit nuk mund të zhbëhet.
“Shqiptarët dhe durrsakët do të kishin të ardhura të mëdha, bilanci i pagesave do të ishte influencuar për mirë. Po më mirë vonë se kurrë dhe ja, vonë, por do të kemi një investim në masë dhe në impakt ekonomik sesa Porto Montenegro. E kam të vështirë të gjej paqen, nuk keni si ta dini sesi njeriu mund të jetë krejt ndryshe nga ju. Punët janë të ndyra të ashpra. Jeni mësuar të vini vërdallë si gomaricat e Faikut. Si luftoni për darën ju o trima, kur shkulni gozhdën ju mbetet vrima. A do qumësht a do dhallë, gomaricat vijnë vërdallë. Dandi Dandi, kandi randi, rroftë e qoftë Salillandi. Rroftë soji dhe sorrollopi i gomaricave politik dhe mediatik tëe mblidhen dhe të hidhen përpjetë dhe nuk ka shans që t’ja heqë njeri Durrësit këtij investim strategjik. Me votën e tyre, ne në këtë sallë jemi shumicë, dhe ju dhe në atë Muço Gagaçupo, quhet në shqip “Lidhja e të Poshtërve”, “Aleanca dei Mascalconi”.-tha Rama.
