Kryebashkiaku i Tiranës, Erion Veliaj, është solidarizuar me Turqinë, e cila po përballet ende me pasojat e tërmeteve shkatërruese.
Me anë të një statusi në rrjetet sociale, Veliaj bën të ditur se ka dërguar pesë ekspertë të emergjencave në Turqi.
Gjithashtu, ai njofton se do të vendosë një çadër për këdo që dëshiron të dhurojë dhe ndihmojë popullin turk.
“Shpreha ngushëllimet e mia në Ambasadën e Turqisë për viktimat e tërmetit të rëndë, që goditi vendin mëngjesin e 6 shkurtit.
Lutem për rimëkëmbje sa më të shpejtë për të gjitha familjet e prekura nga kjo tragjedi.
Sot një grup me pesë ekspertë të emergjencave nga Bashkia e Tiranës, iu bashkua grupeve të ndihmës në Turqi. Këtë fundjavë, Bashkia e Tiranës do të vendosë një çadër për këdo që dëshiron të dhurojë dhe ndihmojë popullin turk.
Jemi me ju!”, shkruan kryebashkiaku.