Drejtuesi i koalicionit “Bashkë Fitojmë”, Sali Berisha, ka deklrauar se nuk do të japë dorëheqjen pas humbjes së thellë në zgjedhjet e 14 majit.
I pyetur nga gazetarët për humbjen në Shkodër, Berisha u shpreh se është shembulli më i shëmtuar në të cilin u votua si në rrethim nga bandat e kryeministri Edi Rama.
Me tone të ashpra, Berisha deklaroi se nuk tërhiqet kurrë nga bandat dhe krimi shtetëror.
“Shkodra votoi nën pushtim të vërtetë. Të gjitha ‘poll’-et e kundërshtarëve tanë, por dhe tanët, e nxirrnin Spahinë 14-16 pikë përpara.
Nëse mendon ti apo ndokush tjetër se dorëzohet Sali Berisha sheh veshin e tij pa pasqyrë. Kurrë nuk tërhiqem para bandave dhe krimit shtetëror.
Shkodra është shembulli më i shëmtuar në të cilin u votua si në rrethim nga banda të Edi Ramës. Në Shkodër u përdorën sasi kolosale dhjetëra milionë euro dhe jam i bindur se qytetarët e Shkodrës zgjedhjen e krimit nuk do ta pranojnë”, tha Berisha.
