Pas rreth 7 javësh që qelizat zhvillohen, një “vdekje e organizuar” e tyre më në fund zbulon formën e gishtërinjve.
Procesi i formimit të gjymtyrëve është vizualizuar për herë të parë te njeriu sepse më parë vetëm është studiuar te minjtë apo zogjtë. Kjo mund të ndryshojë mënyrën si mjekët diagnostikojnë dhe trajtojnë çrregullimet muskulare e skeletore.
Studimi është pjesë e iniciativës së Atlasit të Qelizës Njerëzore i cili synon të hartëzojë çdo lloj qelize në trupin njerëzor. Shkencëtarët kanë përdorur teknologjinë më të fundit për të krijuar harta që tregojnë vendndodhjen ekzakte të qelizave në fazat e para të zhvillimit të organizmit njerëzor.
Fillimisht gjymtyrët shfaqen si trajta të çregullta në anët e trupit, pa një formë ose funksion specifik. Pas 8 javësh zhvillimi, ato formohen plotësisht, janë të ndërlikuara nga ana anatomike dhe quhen gjymtyrë të plotësuar me gishtërinj.
Kjo kërkon një orkestrim të shpejtë dhe preciz nga qelizat. Çfarëdo ndërlikimi, sado i vogël mund të ndikojë dhe të rezultojë në një sindromë që prek gjymtyrët, gjë që ndodh çdo 1 në 500 lindje në mbarë botën./O.S