Turoperatorët: Në pranverë ka më shumë nordikë, numër i lartë prenotimesh
Shëngjini dhe sidomos zona e “Ranës së Hedhun” mbetet një ndër destinacionet më të preferuara të turistëve nga Kosova, por edhe të vizitorëve europian. Pushuesit kanë nisur t’i rezervojnë pushimet e tyre që herët dhe për operatorët, ky është një ogur i mirë, se ky do të jetë një sezon i mbarë.
“Zona turistike e Ranës së Hedhun në Shëngjin mbetet edhe këtë vit destinacion i preferuar për turistët vendas, por edhe ata të huaj. Operatorët turistikë thonë se prenotimet janë të shumta duke e zgjedhur këtë zonë për pamjen e saj të rrallë, çmimet konkuruese, ujin e pastër dhe rërën kurative.”
Drejtuesja e një prej hoteleve në “Ranën e Hedhun”, Stela Curraj thotë se prenotimet janë gjatë gjithë vitit kryesisht në pranverë vijnë nga vendet nordike, ndërsa në sezon janë shqiptarët e Kosovës, Gjermania, Zvicra etj.
“Rana e Hedhun ka marrë një ‘bum’ shumë të madh nga turistët vendas dhe ata të huaj. Kryesisht njerëzit po mësojnë për aftësitë kurative që ka rëra dhe deti. Cilësia e shërbimit tonë, ushqimit, akomodimi i mirë të gjitha këto po ndikojnë në këtë ‘bumin’ e madh që po krijohet.”
Si çdo sezon turistik, gjetja e stafit mbetet sfidë më vete për ta.
“Normalisht ka vështirrësi, por jo aq të madhe për ne sepse mendoj që pagat konkuruese dhe gjitha që ofrohet për mbështetjen e stafit nuk mendoj që do të kemi vështirësi.”
Turistët e shumtë nuk munguan edhe këtë fundjavë, favorizuar nga moti i mirë me diell dhe temperatura të larta.
“Po vijmë shpesh. Plazhi është, qetësia, infrastruktura përgjithësisht.”
Çmimet konkurruese, pastërtia, uji, rëra kurative dhe shërbimi cilësor e bëjnë vijën bregdetare të Shëngjinit gjithnjë e më të frekuentuar gjatë sezonit veror./O.S
