Kreu i Partisë së Lirisë, Ilir Meta, ka premtuar ndër të tjera se me ardhjen në pushtet do të dyfishojë pagat dhe pensionet. Çfarë ndodh me premtimet në opozitë dhe braktisja e tyre në pushtet.
Partitë politike që duan të vijnë në pushtet, të parin premtim që bëjnë është rritja e rrogës dhe e pensioneve, ose në raste ekstreme kur dështimi ndihet premtojnë edhe dyfishimin e tyre. Prej disa ditësh edhe kreu I PL-së Iloir Meta ka nisur një tur takimesh me strukturat dhe herë pas here jep premtime elektorale duke premtuar investime, ndershmëri, luftë kundër korrupsionit, apo edhe dyfishim të pagave dhe pensioneve. Vetëm para disa kohësh është lancuar se do të rriten pagat për spicialistët në administratë. Kjo rritje afër vitit zgjedhor është një miklim i qeverisë për të fituar sërish zgjedhjet, e cila pretendon për një mandat të katërt. Vite më parë, premtohej ujë dhe drita 24 orë, edhe pse nuk kemi ujë në 24 orë, por tashmë ndjeshmëria e cila lidhet më shumë me anën ekonomike, politika ushqen atë që do zgjedhësi. Edhe Ilir Meta ka shpalosur programin qeverisës duke premtuar rritjen e pagave dhe të pensioneve. Ai premtoi se rritja ekonomike do jetë prioriteti kryesor. “Që në mandatin e parë qeverisës të dyfishojmë pagat e punonjësve për të arritur mbi nivelin e mesatares së rajonit. Të dyfishojmë pagat e mësuesve, mjekëve, infermierëve. Të dyfishojmë pensionet”, tha Meta. Edhe kur vjen puna te bujqësia, që është një prej 5 prioriteteve të Partisë së Lirisë, Presidenti i kësaj force politike premtoi mbështetje për çdo bujk dhe blegtor. “Për çdo litër qumësht prodhim vendas të dorëzuar në pikat e autorizuara do të paguhen 10 lekë të rinj, subvencion edhe për fermat e derrav edhe viçave”, shtoi ai. Mbledhjen e parë të Komitetit Drejtues Kombëtar, Meta e shfrytëzoi për të folur dhe për nepotizmit ku tha se brenda partisë tashmë kjo çështje është zgjidhur. “Do ta çrrënjosim për 24 orë nepotizmin nga administrata shtetërore”, shtoi Meta. Vend për kritika pati edhe për sistemin e drejtësisë, të cilin e konsideron të kapur nga Edi Rama. “Drejtësinë e ka kapur për fyti Edi Rama. Ku është qytetari që na dëgjon dhe ramaforma e premtuar. Me hartën e re gjyqësore që premtuan këta i lanë qytetet pa gjykata, edhe Shkodrën e kanë kthyer në një kryefshat të veriut”, përfundoi Meta në fjalën e tij. Presidenti i Partisë së Lirisë premtoi gjithashtu se nëse Shqipëria do qeveriset prej tij nuk do ketë më tendera sekretë.