Autoritetet policore greke kanë vënë në pranga një 22-vjeçar shqiptar, pasi akuzohet për trafikim të lëndëve narkotike.
Të riu shqiptar iu gjet nga policia helene 205 kg kanabis në banesën e tij në zonën e Kinetës. Droga ishte e papërpunuar me qëllim trafikimin e saj në tregun vendas.
22-vjeçari shqiptar kishte marrë me qira një shtëpi pushimi, të cilën e përdorte për të fshehur drogën.
Në provë materiale policia ka sekuestruar edhe një makinë paketimi me vakum, një peshore elektronike me peshë nga 10 gram në 50 kg, një kart SIM dhe disa telefona celularë./En.Br./Fjala.al
