Këngëtarja e njohur, Fjolla Morina ka qenë në qendër të vëmendjes kohët e fundit dhe shkak ka qenë arrestimi në pikën kufitare Kosovë-Shqipëri. Ajo tentoi të hynte në Shqipëri më dy pistoleta në çantë për të cilat tha se i kishte dhuratë.
Por, menjëherë pas këtij skandali në media u bë publike se ajo shoqërohej në makinë nga dy miqtë e saj, përfshi biznesmenin Fisnik Syla për të cilin ajo deklaroi se ndodhej në një marrëdhënie.
“Thonë që “ Në dashuri fiton kush ikën”. Nuk është e vërtetë. Në dashuri fiton ai/ajo që rri. Dashuria nuk është e lehtë! Në dashuri duhet të dish të ndash dhimbjen, pasionin, vuajtjet. Ndonjëherë dashuria vë në dyshim gjithçka që ti ke besuar por kur dashuria është e vërtetë atëherë ajo është në gjendje të superojë çdo vështirësi, çdo pengesë sepse dashuria fiton mbi gjithçka. Ne në çdo pengesë fituam njëri-tjetrin. Të dua?”., shkroi Fjolla Morina në Instagram duke i shprehur hapur dashurinë biznesmenit.
Së fundmi media kosovare, ‘n’Zoom’ ka zbuluar se biznesmeni Syla ka qenë i martuar dhe është baba i dy fëmijëve, madje ish-gruaja e tij mban ende foto në rrjetet sociale me të dhe fëmijët.
Sipas kësaj media, fotot e publikuara nga ish-bashkëshortja e tij janë të muajit gusht, periudhë kur besohet se Fjolla Morina nisi lidhjen me biznesmenin.
Ish-bashkëshortja e biznesmenit ka deklaruar se martesa e tyre zgjati 10 vite dhe shkak për ndarjen është bërë këngëtarja. “Atyre që deshën shkatërrimin e familjes marrshin nga jeta atë që e meritojnë, njeriu qenka më i fortë se guri”., ka përfunduar ajo./Re.Gu/Fjala.al
