Kryeministri britanik Boris Johnson ka konfirmuar për herë të parë se është babi i gjashtë fëmijëve, ndërsa gruaja e tij Carrie është shtatzënë. Johnson do të bëhet baba për herë të shtatë në fund të këtij viti.
Kryeministri gjithmonë ka refuzuar të flasë për jetën e tij private, por këtë herë ai ka thyer ‘rregullat’ në një intervistë të dhënë për televizionin amerikan NCB.
I pyetur nga emisioni Today i NBC gjatë një udhëtimi në New York nëse ai ka gjashtë fëmijë, kryeministri u përgjigj: Po. Është fantastike, është shumë punë, do t’ju them aq shumë, por e dua, e dua absolutisht. Dhe ndryshoj shumë pelena.”
Ai ka katër fëmijë me ish-gruan Marina Wheeler, por gjithashtu ka një fëmijë, të lindur në 2009, si rezultat i një lidhjeje me konsulenten e artit Helen Macintyre. Me gruan aktuale Carrie, Johnson ka një fëmijë, ndërsa po pret edhe një tjetër.
