Janë të paktën 11 komuna kryesisht në rajonet e Lombardisë dhe Venetos, në veri të Italisë, ku po merren masa të forta dhe të jashtëzakonshme për shkak të coronavirusit. Në këto komuna janë identifikuar rastet e personave të infektuar me virusin vdekjeprurës, numri total i të cilëve i ka kaluar 100.
Kryeministri italian, Giuseppe Conte lajmëroi marrjen e disa masave siç janë mbyllja e shkollave apo anulimi i çdo aktiviteti sportiv dhe kulturor në komunat e prekura nga virusi. Gjithashtu është kufizuar hyrja dhe dalja në këto zona, ndërkohë që njerëzve u është kërkuar që të shmangin lëvizjet.
Komunat ku janë marrë masat e forta:
Vò Euganeo,
Codogno,
Castiglione d’Adda,
Casalpusterlengo,
Fombio,
Maleo,
Somaglia,
Bertonico,
Terranova dei Passerini,
Castelgerundo,
San Fiorano.
Masat
– ndalimi i largimit të personave nga zonat e komunat e infektuara.
– ndalimi i manifestimeve, eventeve e grumbullime publike dhe private.
– ndalimi i shërbimit parashkollor.
– mbyllja e shkollave dhe e eksursioneve shkollore.
– pezullimi i hapjes së muzeve për publikun.
-pezullimi i punës për disa lloje biznesi.
-mbyllja e disa aktiviteteve tregtare.
‘Shpërthimi’ i coronavirusit në Itali erdhi nga qyteti i vogël i Codogno-s, në juglindje të Milanos, ku i identifikua pacienti i parë, një 38 vjeçar i cili ndodhet tashmë në gjendje të qëndrueshme.
2.461 viktima janë shënuar në të gjithë botën për shkak të coronavirusit, shumica prej tyre në Kinë, ndërsa dy viktima u regjistruan dje në Itali. Numri i të infektuarve ka arritur në 78.766.
Coronavirusi/ Conte refuzon pezullimin e Shengenit: Do shkatërronim ekonominë
