Janë zbardhur dy porositë që kreu i Partisë Demokratike, Lulzim Basha i ka dërguar strukturave për protestën e presidentit Ilir Metës. Basha thekson se e mbështet tubimin e thirrur nga Meta më 2 mars, pasi duhet mbrojtur Kushtetuta.
Basha ka kërkuar që të gjitha strukturat të njoftohen mbi protestën dhe organimizimi do të bëhet nga Gazment Bardhi, Sekretar i Përgjithshëm i PD-së.
Mesazhi i Bashës:
Të nderuar Kryetarë,
Më poshtë mesazhi i Kryetarit Basha për tubimin e organizuar nga Presidenti i Republikës më datën 2 Mars 2020, ora 17:00, ne Bulevardin “Dëshmorët e Kombit”:
“Si qytetarë që duam që vendi të bëjë hapa para drejt konsolidimit të demokracisë, duhet t’i përgjigjemi çdo thirrje në mbrojtje të Kushtetutës dhe funksionimin demokratik të institucioneve të pavarura. Prandaj unë e mbështes tubimin e thirrur nga Presidenti për Kushtetutën!”.
Dy porosi:
- Ky mesazh të shpërndahet tek të gjitha strukturat e partisë.
- Mbi këtë çështje do të keni gjatë ditës bisedë telefonike me Sekretarin e Përgjithshëm, për masat organizative.
Ju përshëndes!
