Kreu i grupit parlamentar të Partisë Socialiste, Taulant Balla e quan Sali Berishën një “pjellë të mbrapshtë anti-shqiptare” teksa shpërndan artikullin e Daily Mail, ku ish-kryeministri është cituar ta quajë Shqipërinë “vendin më të rrezikshëm të Europës”.
Balla thotë se një shigjetim të tillë ndaj Shqipërisë e kanë bërë vetëm Sergei Lavrov i Rusisë dhe udhëheqësi i Iranit, Kjomeini.
Në një artikull të Daily Mail për krizën e emigrantëve, Berisha është cituar të thotë se “sot Shqipëria është vendi më i rrezikshëm i Europës”.
Reagimi i Ballës:
Kur ne themi Sali Berisha ka qenë dhe mbetet e keqja më e madhe e Shqipërisë, shumica bien dakord me ne, por është një pakicë që del ta mbrojë.
Sot pyetja që kam për këtë pakicën: Si ka mundësi që i shkoni pas një non-grate si Dali Berisha që Shqipërinë e nxin dhe fyen njëlloj si Lavrovi i Putinit, apo Khomeini i Iranit.
Edhe Lavrovi dhe Khomeini e kanë shigjetuar “Shqipërinë si një vend të rrezikshëm”, për arësyet e tyre që të gjithë i dimë.
Sot Sali Berisha, njëlloj nongrata si ata dy më sipër, e ka sulmuar Shqipërinë me fjalët e tyre. Vetëm shërbëtorët e së keqes, që figurojnë në bordorotë e Kremlinit, pjellë e mbrapshtë anti-shqiptare mund të lëshojnë në gjuhë të huaj deklarata të tilla kundër Shqipërisë.
Turp!
