“Lani sa më shpesh duart”, është kjo fraza që qytetarëve të izoluar po u përsëritet vazhdimisht për shkak të koronavirusit, por banorët e zonës së Shkollës së Baletit në kryeqytet nuk e zbatojnë dot rekomandimin për shkak të mungesës së ujit.
Disa denoncime të njëpasnjëshme po vijnë pranë Fjala.al për mungesë të ujit të pijshëm në disa zona të Tiranës.
Problemet në fakt kanë qenë në orare të ndryshme për zona të ndryshme, ndërkohë që tani në mbrëmje është zona e Shkollës së Baletit që ka mbetur pa ujë. Prej dy orësh qytetarët nuk kanë ujë në çezmat e tyre, ndërsa nuk ka asnjë njoftim se kur kjo situatë mund të rregullohet.
