Këngëtari, Gëzim Nika ka zbuluar se një miku i ti shqiptar është vetëhedhur nga ballkoni i shtëpisë së tij në Amerikë pasi zbuloi se ishte i infektuar me Covid-19.
Gjatë një lidhjeje direkte në emisionin ‘Vizioni i Pasdites’, Nika tha se e kishte zbuluar humbjen e mikut të tij përmes një videoje.
“Mora një lajm që është hedhur një njeri nga pallati dhe është shqiptar. Një tmerr i vërtetë. Unë e pashë videon tani dhe po më dridhet trupi. Nuk dua të spekuloj, por thuhet se ka pasur covid 19, ka shkuar në shtëpi. E pashë me sytë e mi në video duke u hedhur. Jam bërë shumë pesimist pas këtij momenti. Unë e kam njohur këtë person, një person shumë i mirë…”!, u shpreh Nika.
Ndonëse i rënduar psikologjikisht nga ngjarja, Gëzim Nika ka treguar se është mirë nga gjendja shëndetësore dhe se ka nderprerë aktivitetin e tij muzikor që prej 16 Marsit.
“Me thënë të drejtën jemi mirë.Që në 16 mars jam në shtëpi dhe s’kam dalë. Kam ndërprerë aktivitetet. Të bësh luftë pa ditur armikun, nuk dihet. Në Shqipëri kam qenë në Janar. Kontaktoj 5- 6 herë në ditë me vëllezërit. Por s’kemi ç’bëjmë, nuk i ndihmojmë dot”, përfundoi këngëtari./Fjala.al
