Diplomati Mal Berisha, tregon për emisionin HARD TALK NGA ROLAND QAFOKU për Grupin Mediatik “FJALA” një detaj nga një takim i tij në Departamentin e Shtetit më 30 prill 2015 në të cilin u ka dorëzuar zyrtarëve të lartë të këtij institucioni një dosje me problemet që ka qeverisja në Tiranë.
-Vijmë të ambasadorja amerikane. Ambasadorja amerikane ka qenë e drejtuar gabim doni të thoni?
-Dua të jap një detaj, është hera e parë që e them. Mund ta dinë shumë pak veta këtë fakt. Në fund të prillit të vitit të kaluar, më 30 prill të vitit 2019, nëpërmjet një njohje timen kam arritur të futem në Departamentin e Shtetit. Përballë kam pasur katër zyrtarët më të rëndëishëm të Departamentit të Shtetit, përveç Pomeput. Kam qenë i përgatitur në mënyrën më medikoloze të mundshme. I kam vënë katër burrave, katër dosje përpara. Deri në atë kohë, shkeljet në Reformën në Drejtësi kanë qenë skandaloze, por asgjë të krahasueshme me ato që po bëhen sot. Me gjithë kortezinë dhe respektin që kam për atë institucion, nuk dua të më marrë kush si antiamerikan, 85% e gjakut tim jeton në Amerikë. Unë ju vendosa 4 dosje përpara. Kisha bërë një Poëer Point dhe i kisha bërë kështu: This is a cry for Albania. Kjo është një vajtim për Shqipërinë. Edhe e mora të parën, të dytën, kur vajta te e treta më thanë: Ambasador, stop! I kisha gjithë keqbërjet të sistemuara bukur në një formë vizuale. I thashë unë: Pse?
“Ne dimë çdo gjë që na tregon ti”, – thanë. “Ne i dimë më mirë sesa i tregon ti”
Ju thashë se nuk ishte e mundur. “Është e mundur”, -më thanë.
Një orë e dhjetë minuta jam munduar t’ju shpiegoj gjëra që ata i dinin më mirë sesa unë.
-Si përfundim?
-Si përfundim vazhdon reforma e suksesshme. Unë nuk mund t’i gjykoj ata. Ata na gjykojnë ne./Fjala.al/k.b
https://www.youtube.com/watch?v=5icsXNIIejs
