Kryetari i Kuvendit ndërpreu 5 minuta seancën plenare, pasi disa nga deputetët e opozitës bllokuan foltoren për shkak se Gramoz Ruçi nuk i dha fjalën Myslym Murrizit, që kërkoi të replikonte me Edi Ramën.
Ruçi i tërhoqi vëmendjen duke e paralajmëruar se do ta përjashtojë nga seanca nëse nuk ulet, por Murrizi nuk u tërhoq.
Përballë situatës së krijuar, PS-ja kërkoi 5 minuta pushim.
Më herët në fjalën e tij në pritje të votimit të Kodit të ri Zgjedhor, Kryeministri Edi Rama deklaroi, se është synuar gjithmonë konsensus.
Ai deklaroi se konsensusi është arritur jo vetëm me opozitën jashtëparlamentare por se është synuar edhe me atë parlamentare, duke mos e konsideruar si mbetje përkohshme në këtë parlament, tha ai por si opozitën që sot ka ky parlament./Bl.Ba/fjala.al
