Anija e parë me astronautë e cila ka dalë nga orbita e tokës ka qenë Apllo 8. Ajo bëri udhëtimin e saj të parë me pasagjerë në 21 dhjetor të vitit 1968. E nisur nga Qendra e amerikane e Hapësirës Kennedy anija, doli nga orbita e tokës për të orbituar në hënë e për tu rikthyer përsëri e sigurt në tokë.
Udhëtimi për të shkuar në hënë zgjati tre ditë, pra një natë para krishtlindjes në datën 24 dhjetor, ata ishin në orbitën e hënës.
Astronautët që patën fatin të shënohen në histori si njerëzit e parë që panë nga afër anën e errët e hënës ishin Frank Borman, James Lovell, William Anders. Ata panë për herë të parë atë që gjithë bota ishte kurioze për ta mësuar, shikuan me sytë e tyre tokën sferike nga lart gjithashtu edhe planetë të tjerë.
Në prag të Krishtlindjeve astronautët kryen një transmetim televiziv nga anija në orbitë, duke lexuar 10 rreshtat e parë nga Libri i Zanafillës për shikuesit në tokë.
Pas Apollo 8 ishte një tjetër anije, Apollo 11 e cila përmbushi qëllimin e presidentit Xhon Kenedi për zbritjen e një njeriu në hënë përpara fundit të viteve 1960. Apollo 8 u kthyen në tokë më 27 dhjetor 1968, kur kapsula me 3 astronautët u përplas në ujërat në pjesën veriore të oqeanit paqësor.
Por qetësohuni ata janë të tre shëndosh e mirë, në foton e më poshtë të realizuar në 2008 duken tre astronautët të cilët qenë njerëzit e parë që orbituan Hënën.
/fjala.al
