Ish-kryeministri Sali Berisha, komentoi Konferencën e Donatorëve të mbajtur në Bruksel. Duke përshëndetur dhe falënderuar donatorët që dhanë para për banorët e prekur nga tërmeti, Berisha u shpreh se së shpejti këta banorë do të zhgënjehen.
Ai hodhi akuza të forta ndaj Ministrit për Rindërtim Arben Ahmetaj, të cilin e akuzoi se ka “groposur” para të vjedhura.
“Nuk mund të ndalem pa thënë se, jashtë euforisë së madhe jam 100% i sigurt se shumë shpejt do të jetë zhgënjimi i madh për këta qytetarë.
Më vjen keq që bëjë këtë kasandër. Së pari sepse ndërmjetësi i këtyre donacioneve është një grup hajdutësh.
Dy figurat kyçe janë hajdutët më të mëdha qeveritarë pas Edi Ramës, Arben Ahmetaj, që thuhet se ka të groposur kazanë të mëdhenj me euro”, tha Berisha në studion e emisionit “Tempora”.