Ndërron jetë Nexhmije Hoxha

113 563 lexime

124,178FansaPëlqeje

Pasditen e sotme është ndarë nga jeta në moshën 99-vjeçare gruaja e ish-diktatorit, Nexhmije Hoxha. Mësohet se Nexhmija ka ndërruar jetë në banesën e saj në Laprakë, ndërkohë që lajmi u konfirmua nga vetë familja Hoxha.

Por kush ishte Nexhmije Hoxha? Nexhmija lindi në Manastir, më 8 shkurt 1921, në atë kohë në Mbretërinë Serbo-Kroato-Sllovene. Në vitin 1928, familja e saj u shpërngul në Tiranë, ku ndoqi me gjysmë burse dhe kreu Institutin Femëror Pedagogjik “Nana Mbretneshë” në kryeqytet.

Më 10 nëntor 1941 figuron e regjistruar në Federatën Fashiste të Tiranës me nr. 637. Me dekretin ministror të datës 20 dhjetor 1941 të nënshkruar nga zëvendës Ministri i Arsimit, Dhimitër Berati, Nexhmija u emërua mësuese filloreje në Tiranë. Si mësuese u pezullua më 1 dhjetor 1942, ndërsa dekreti i pushimit nga puna doli më 27 mars 1944.

Pas çlirimit të vendit vazhdoi me korrespodencë studimet e larta në Fakultetin Histori-Filologji, dega Gjuhë-Letërsi.

Ka marrë pjesë në mbledhjen themeluese të Rinisë Komuniste të Shqipërisë, 22-23 nëntor të vitit 1941. Gjatë luftës mori pjesë si delegate në të gjitha konferencat kombëtare si atë të Pezës, Labinotit dhe Përmetit.

Pas çlirimit të vendit, ajo kishte kryer funksione të larta partie dhe shoqërore. Në Kongresin e Parë të PKSH-së u zgjodh anëtare e Komitetit Qendror. Për një kohë kishte qenë edhe presidente e Bashkimit të Grave Antifashiste të Shqipërisë.

Gjithashtu, ishte përfaqësuese e popullit në Kuvendin Popullor në të gjitha legjislaturat. Drejtore e Drejtorisë së Propagandës, Arsim-Kulturës në KQ të PPSH-së. Nga viti 1966 e në vazhdim kreu detyrën e drejtorit të Institutit të Studimeve Marksiste-Leniniste pranë Komunitetit Qendror të PPSH-së.

Ka kryer edhe veprimtari studimore dhe publicistike. Ka botuar edhe disa libra. Në vitin 1988 u zgjodh kryetare e Frontit Demokratik të Shqipërisë. Është vlerësuar me 13 dekorata, si dhe Urdhrin “Hero i Punës Socialiste”.

Lexo edhe :  U arrestua brenda ‘shtëpisë së barit’, shqiptari kërkon të shohë motrën me kancer

Në janar të vitit 1992 u arrestua me akuzën e abuzimit të fondeve dhe u dënua me 9 vjet burg, të cilat u bënë 11 kur ajo apeloi në gradën e dytë të gjykimit.

Me ish-diktatorin, Enver Hoxha u martua në 1 janar të vitit 1945. Ka tre fëmijë, 2 djem dhe një vajzë./Fjala.al


Të fundit

Vrau 3 pensionistë/ Arrestohet në Gjermani serbi, i gjurmonte viktimat në supermarkete

Sot, ndodhi vrasja e tretë e një pensionisti në qytet. I dyshuari kryesor është arrestuar. Bëhet fjalë për një...

Japonia i dhuron Tiranës mjete zjarrfikëse, Veliaj: Na shërbejnë për zonat periferike

Dy mjete të reja zjarrfikëse iu shtuan stacionit të ri zjarrfikës në Kinostudio, si ndihmë nga Ambasada e Japonisë në Tiranë. Kryebashkiaku Erion Veliaj...

Bullgaria nis ndërtimin e tubacionit që do të transportojë gaz natyror në Serbi

Bullgaria ka nisur sot ndërtimin e një tubacioni që do të transportojë gaz natyror  në Serbi, dhe do të rrisë sigurinë e furnizimit në...

VIDEO-Nga grumbull ‘karrocash’ teneqeje, Urgjenca Kombëtare kthehet në repart ekselence

Kryeministri Edi Rama  e ka cilësuar Urgjencën Kombëtare si “repart ekspelencë të shërbimit shëndetësor shqiptar” pasi flotës së shërbimit i janë shtuar 28 autoambulanca...

Peleshi njofton shtim fondesh për emergjencat civile/ Po vjen edhe financimi italian

Ministri i Mbrojtjes, Niko Peleshi, pas mbledhjes së qeverisë, ka detajuar një projektvendim të menduar si ndihmë ndaj pushtetit vendor në përballjen e emergjencave...

Lajme të tjera

Web TV