Skuadra e Barcelonës thuhet se ka gati një ofertë të çmendur për të marrë Lautaro Martinez nga Interi.
Katalanasit janë të gatshëm të sakrifikojnë dy nga lojtarët e formacionit të tyre si dhe të japin plus edhe 70 milionë euro për të marrë sulmuesin e zikaltërve.
Barça e shikon Martinezin si një zëvendësim afatgjatë për Luis Suarezin, i cili tani është 33-vjeçar dehe duket se nuk e ka dhe shumë të gjatë në botën e futbollit.
FCInterNews.It raporton se Barcelona ka vendosur një ofertë në vlerë 70 milionë euro dhe kartonin e dy lojtarëve për sulmuesin 22-vjeçar.
Emrat të cilët mendohet që do ofrohen nga klubi katalanas për Martinez janë Arturo Vidal dhe Nelson Semedo.
Vidal kërkohej prej kohësh nga Interi dhe vlerësohet rreth 20 milionë euro, ndërsa Semedo vlerësohet 40 milionë euro. Duke bërë një llogari ku përfshihen dhe dy emrat e formacionit të Barçës shuma totale e marrëveshjes shkon në 130 milionë euro./Fjala.al/
