Vajza nga Skrapari, e cila një natë më parë u fut në Infektiv në Tiranë, ka rezultuar negative për koronavirus. E reja, e cila erdhi në Tiranë me bashkëshortin, pasi ishte vizituar tek doktoresha e saj në Skrapar, nuk ka koronavirus dhe mund të kthehet shëndoshë e mirë në shtëpinë e saj.
Çifti kishin ardhur me makinën e tyre për t’iu nënshtruar analizave pasi kishin pasur temperaturë.
Numri i të prekurve me koronavirus në Shqipëri ka shkuar në 10. Ministria e Shëndetësisë u ka bërë thirrje të gjithë qytetarëve të tjerë që të ruajnë qetësinë, ndërkohë ata që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në nr.127 dhe të mos shkojnë direkt në spitale.
Ndërkohë janë mbyllur të gjitha institucionet e arsimit dhe janë anuluar të gjitha aktivitetet deri më 3 prill.
