Një sfilatë virtuale për një qëllim humanitar: mbledhje e fondeve për personat e prekur nga Covid-19.
Nga sallonet e ndenjes apo në kopësht me lule e buzë pishinave. Super modelet me famë botërore treguan edhe një herë që nuk kanë nevojë për shkëlqimin e dritave mbi pasarelë apo duartrokitje, për të shkëlqyer.
Karlie Kloss, Winnie Harlow dhe Alessandra Ambrosio prezantuan disa prej veshjeve të tyre më të mira, që i shitën pasi i reklamuan në një pasarelë te improvizuar, secila në shtëpitë e tyre.
Qëllimi i sfilatës virtuale është mbledhja e parave që do të shkojnë për të prekurit nga koronavirusi i ri dhe për punonjësit në linjë të parë të kësaj lufte.
Mes kontribuuesve ishin edhe personazhe të famshme si Kim Kardashian, Kanye West, Alexander Ëeng dhe Diane Von Furstenberg.
“Sot nuk jemi ikona të modës, sot ikonat tona janë infermieret, mjeket dhe shitëset e marketeve” theksuan njëzëri modelet më të famshme e më të paguara të momentit.
Pasarela e tyre virtuale u ndoq live nga më shumë se 217 mijë ndjekës./Burimi:Daily Mail