Trajneri i skuadrës së Manchester City-t, spanjolli Pep Guardiola është shprehur se ekipi i tij do e fitojë betejën në Gjykatën e Arbitrazhit Sportiv në Lozanë të Zvicrës.
‘Citizenët’ kanë kërkuar heqjen e dënimit 2-vjeçar nga qeveria evropiane e futbollit, UEFA, për thyerje të rregullave të transferimeve të futbollistëve.
Guardiola ka theksuar në një konferencë për mediat se në KAS do merret fitorja dhe ka theksuar se vitin e ardhshmë City do rikthehet në Champions League.
“Jemi gati për t’u përballur në KAS dhe kam shumë besim se ne do të rikthehemi të luajmë vitin e ardhshëm në Champions League. I gjithë klubi me punonjësit e vet do të rritet vit pas viti”.-tha ai.
Në dënimin që UEFA i vendosi Manchester City-t, përveç pezullimit prej dy vitesh nga futbolli evropian, përfshihet edhe një gjobë prej 28 milionë eurosh.
Nëse KAS do të lërë në fuqi vendimin e UEFA-s, ‘Citizenës’ do të kenë humbje që llogariten të shkojnë në 222 milionë euro.ka.ta/Fjala.al/
