Kryeministri Edi Rama pak minuta më parë ka mbërritur në Kryesinë e Kuvendit për t’u takuar me krerët e 3 grupeve të opozitës parlamentare. Ky është takimi i dytë i Ramës me përfaqësues të opozitës parlamentare.
Mbledhja është thirrur nga Myslim Murrizi, Nimet Musai dhe Edmond Stojku që i kërkuan kryeministrit të takoheshin, dhe ky i fundit ka pranuar, palët janë takuar në ambientet e kryesisë së Kuvendit.
Ashtu si dihet, në takimin e parë të zhvilluar së bashku numri një i qeverisë nuk ka mundur dot të bindë opozitën e re me marrëveshjen e Këshillit Politik me opozitën jashtëparlamentare për ta votuar në Kuvend.
28 deputetë të opozitës parlamentare depozituan një projektligj për ndryshimin e sistemit në lista të hapura dhe eleminimin e koalicioneve zgjedhore, i cili votohet në Kuvend më 30 korrik.
Mazhorancës i duhen votat për Zgjedhoren pasi nuk i plotëson dot brenda grupit të saj, por opozita parlamentare kushtëzon votën e saj me Listat e Hapura, ose në rast të kundërt do votojë kundër.
Bo.Ba/fjala.al
