Situata e COVID-19 vazhdon të jetë kritike në Kosovë, ndërkohë që virusi nuk po kursen as politikanët.
Së fundmi pozitiv me COVID-19 ka rezultuar deputeti i LDK-së, Ardian Shala, i cili është edhe kryetar i degës së LDK-së në Suharekë.
Lajmin e ka bërë me dije dega e LDK-së në Suharekë përmes një postimi në rrjetet sociale.
Ardian Shala është shtruar sot në Spitalin e Prizrenit pas konfirmimit nga Instituti Kombëtar i Shëndetësisë Publike i Kosovës se është pozitiv në COVID-19.
“Të dashur qytetarë, ka disa ditë që kryetari jonë dhe deputeti juaj dr. Ardian Shala është vetizoluar dhe ishte në pritje të rezultateve nga IKSHPK-ja. Ndërsa sot është konfirmuar pozitiv me COVID-19 dhe është shtrirë në spitalin e Prizrenit në Kliniken Infektive. Gjendja e tij është stabile dhe e qëndrueshme”, thuhet në njoftim.
/En.Br./Fjala.al
