Interi mund të ketë mungesa të rëndësishme në derbyn ndaj Milanit të shtunën e 17 tetorit. Antonio Conte ka marrë lajme që e frikëesojnë jo pak përpara kësaj sfide. Covid-19 mesa duket ka depërtuar edhe në kampin zikaltër ku para pak orësh klubi në një njoftim zyrtar deklaroi se mbrojtësi italian Alessandro Bastoni ka rezultuar pozitiv me Covid-19. Por sikur të mos mjaftonte kjo, pas tij ka rezultuar i prekur edhe mbrojtësi sllovak Milan Skriniar.
Të dy këta lojtarë janë titullarë në skuadrën zikaltër dhe Conte do të bëhet më dhimbjë koke nëse ata të dy nuk rekuperohen në kohë përballë kuqezinjve. Në stol janë të gatshëm lojtarë si Dambrossio dhe Kolarov për ti zëvendësuar, por gjithsesi me Skriniar dhe Bastoni mbrojtja zikaltër është shumë herë më e konsoliduar. Zikaltërit do të jenë me shpresë në pritje të lajmeve të mira.
Pa.Va/Fjala.al
