Gazetari shqiptar i ‘Le lene’, Taulant Kopliku ka dhënë lajmin e mirë se adoleshentja shqiptare, Eva Dumani është gjetur nga autoritetet e kampit Roj në Siri.
Gazetari Kopliku ka publikuar bisedën me kolegun e tij sirian i cili i ka bërë të ditur se brenda një muaji një grup tjetër fëmijësh do të rikthehet në Shqipëri, ndoshta mes tyre dhe Eva Dumani.
Eva Dumani është gjetur nga autoritetet e kampit nën shoqërinë e një familje shqiptare.
Nën ferrin e luftës për disa vite, 4 fëmijët shqiptarë mbërritën mesditën e 27 tetorit në aeroportin e Rinasit. Bëhet fjalë për 12 vjeçarin Endri Dumani dhe 3 fëmijët dhe nusja e familjes Shuli.
Ata shoqëroheshin nga kryeministri Edi Rama dhe ministri Sandër Lleshaj, të cilët ishin në Beirut për ti marrë drejt Shqipërisë. Operacioni për nxjerrjen e fëmijëve të tjerë shqiptarë do të vijojë./R.G/Fjala.al
