Rikonstruktohet palestra e shkollës “Ibrahim Muça”, Balla: Qëllimi ynë t’i kthejmë të rinjtë tek sportet

113 563 lexime

106,048FansaPëlqeje

726 nxënës të shkollës “Ibrahim Muça” në Librazhd tashmë kanë në dispozicion të tyre një palestër me të gjitha kushtet bashkëkohore. E konceptuar si një minipallat sporti, kjo palestër ka hapësirat e mjaftueshme dhe kushtet për ushtrimin e të gjithë disiplinave sportive.

Por nxënësit nuk do të jenë përfituesit e vetëm, kjo hapësirë do t’i shërbejë edhe komunitetit dhe sidomos do të ndikojë në rikrijimin e skuadrave të qytetit.

Kryetari i Grupit Parlamentar të Partisë Socialiste Taulant Balla së bashku dhe ministrja e Arsimit, Rinisë dhe Sportit Evis Kushi, Kryetarin e Bashkisë Kastriot Gurra dhe me Presidentin e Federatës së Volejbollit Erlind Pëllumbi inspektuan përfundimin e punimeve, ndërsa vunë theksin tek rëndësia e sporteve për të rinjtë.

Prej shumë kohësh qytetarët dhe të rinjtë veçanërisht e kanë kërkuar këtë sallë të sporteve me dorë, tashmë e bëmë realitet.

Me Presidentin e Federatës kemi diskutuar për ta çertifikuar sipas standardeve më të mira dhe për të zhvilluar, jo vetëm aktivitete kombëtare, por edhe ndërkombëtare.  Kjo sallë sporti është e atashuar pranë shkollës së mesme “Ibrahim Muça” këtu në Librazhd, ku edhe unë jam krenar të kem qenë nxënës i saj.

Është një premtim dhe angazhim i imi i mbajtur për t’i dhënë kësaj shkolle vendin që meriton. Edhe zhvendosja e shkollës këtu kishte të bënte pikërisht me ndërtimin e këtij kompleksi.

Edhe pse jemi në kushte të vështira pandemie, gjërat do t’i kthehen normalitetit dhe sportet për të rinjtë janë domosdoshmëri. Qëllimi ynë është t’i heqim të rinjtë nga veset dhe t’i kthejmë tek sportet”, deklaroi Balla.

Ndërsa ministrja Kushi u interesua për ecurinë e procesit mësimor në këto kohë pandemie dhe respektimin e rregullave teksa premtoi vazhdimin e mëtejshëm të bashkëpunimit me Bashkinë e Librazhdit për të investuar në shkolla të tjera ku ka nevojë.

Lexo edhe :  "I vodhën portofolin me para babait"/ QSUT reagon ndaj denoncimit të vajzës: I mori sendet sapo u identifikua

Edhe për kryetarin e Bashkisë, Kastriot Gurra, pas plotësimit të këtij angazhimi, fokusi përqëndrohet tek shkollat e tjera të cilat kanë nevojë./Bl.Ba/Fjala.al

Të fundit

“Mos i lëndoni fëmijët e mi”/ Gruaja iu vërsul me thikë, polici e vret përpara syve të djemve

Një zyrtar policor në Nevada ka qëlluar për vdekje një grua para syve të fëmijëve të saj, pasi ajo...

Pas dy fitoresh të vështira, Majlinda Kelmendi merr medaljen e bronztë në kampionatin e xhudos në Tel Aviv

Majlinda Kelmendi e ka mbyllur në vendin e tretë turneun e xhudos, të zhvilluar në Tel Aviv të Izraelit. Xhudistja nga Peja mori dy...

Ky është qyteti më i ftohtë në glob, ku -40 nuk është shumë ftohtë

Me një mori stuhish dimërore që janë derdhur mbi Shtetet e Bashkuara të Amerikës këtë javë, por edhe mbi vendet evropiane më herët, shumë...

Sonda e NASA-s bën ulje historike në Mars, shtatë muaj pasi u lëshua në hapësirë (Video)

Shtatë muaj pasi u lëshua në hapësirë, sonda e NASA-s zbriti sonte në sipërfaqen e Marsit. Misioni që ka kushtuar më shumë se miliardë...

“Meta i ri, por i lodhur”/ A do largohet nga PS, nëse humbet zgjedhjet? Rama: Unë e di që do të fitojmë

Kryeministri Edi Rama ka folur mbrëmjen e sotme për investimet në Vlorë, projektet si dhe aktualitetin politik. Rama u shpreh i bindur për fitoren...

Lajme të tjera

Web TV