Një grua 90-vjeçare nga Irlanda e Veriut është bërë personi i parë në botë që ka marrë vaksinën Pfizer / BioNTech Covid jashtë kushteve të provës – duke shënuar fillimin e programit të vaksinimit masiv në Mbretërinë Bashkuar.
Margaret Keenan, nga Enniskillen, tha se ndihej “e privilegjuar” që do të ishte personi i parë që do të merrte vaksinën në Spitalin Universitar, Coventry.
“Ndihem kaq e privilegjuar që jam personi i parë i vaksinuar kundër Covid-19, është dhurata më e mirë për ditëlindjen e hershme që mund të uroj sepse do të thotë që më në fund mund të kaloj kohë me familjen dhe miqtë e mi në Vitin e Ri pasi isha vetëm për pjesën më të madhe të vitit “, tha Keenan.
Qendrat në Mbretërinë e Bashkuar do të vaksinojnë qytetarët mbi 80 vjeç dhe një pjesë të personelit shëndetësor. Programi synon të mbrojë më të prekshmit dhe të kthejë jetën në normalitet./r.g/fjala.al
